നേഷൻസ് ലീഗ്:ഫ്രാൻസും ഇറ്റലിയും സമനിലയിൽ പിരിഞ്ഞു.

ഗോൾ വഴങ്ങിയതിന് പിന്നാലെ ശക്തമായി തിരിച്ചടിച്ച ഇറ്റലി 68ആം മിനിറ്റിൽ സമനില പിടിച്ചു. ഫ്രഞ്ച് താരം ലൂക്കാസ് ഡ കൻഹയിൽ നിന്ന് പന്ത് തട്ടിയെടുത്ത് ഡിഫെൻഡർ അലസ്സാന്റട്രോ ബാസ്റ്റോണി ഉതിർത്ത ഷോട്ടാണ് ഇറ്റലിക്ക് സമനില സമ്മാനിച്ചത്.

കളി അവസാനിക്കാൻ അഞ്ച് മിനിറ്റ് ബാക്കിനിൽക്കേ ഇറ്റാലിയൻ സ്ട്രൈക്കർ മൊയസ് കീയനെ ഫൗൾ ചെയ്തതിന് ഫ്രഞ്ച് ഡിഫെൻഡർ ദയോട്ട് ഉപമെകാനോ രണ്ടാമത്തെ മഞ്ഞക്കാർഡോടെ ചുവപ്പുകാർഡ് കണ്ട് പുറത്തുപോയി. അവസാന നിമിഷങ്ങളിൽ ഫ്രാൻസ് 10 പേരുമായാണ് കളി പൂർത്തിയാക്കിയത്. ഫ്രഞ്ച് മുന്നേറ്റ നിരയുടെ കടുത്ത ആക്രമണങ്ങളെ എട്ട് തകർപ്പൻ സേവുകളിലൂടെ തടഞ്ഞുനിർത്തിയ ഇറ്റാലിയൻ ഗോൾകീപ്പറും ക്യാപ്റ്റനുമായ ജിയാൻലൂജി ഡോണാരുമ്മയുടെ പ്രകടനമാണ് ഇറ്റലിയെ തോൽവിയിൽ നിന്ന് രക്ഷിച്ചത്. ഈ സമനിലയോടെ നേഷൻസ് ലീഗ് ഗ്രൂപ്പ് A1-ൽ മൂന്ന് മത്സരങ്ങളിൽ നിന്ന് 7 പോയിന്റുമായി ഫ്രാൻസ് ഒന്നാം സ്ഥാനത്ത് തുടരുകയാണ്. തുർക്കിയെ 3-0 ന് തോൽപ്പിച്ച ബെൽജിയം 6 പോയിന്റുമായി രണ്ടാം സ്ഥാനത്തും, 4 പോയിന്റുള്ള ഇറ്റലി മൂന്നാം സ്ഥാനത്തുമാണ്